|
کور | تګلاره | اړیکې | محمود نظری |
||||||||||||||
|
|
|
|||||||||||||
|
محمودنظری فلسفي طب په دې نړۍ کې قاتلان یا جنایت کاران ډیر ژر مشهوره کیږی دا ځکه قتل او جنایت کول خپل ځانګړي مهارت او د وسپنې زړه غواړي چې د هر شوده- موده کار نه دی ؛هر څوک نه شوای کولای قاتل او جنایت کار شي دی خلکو ته بیا سیاست –میاست داسی اسانه دی لکه د توت خوړل. خو په بیلو بیلو کارو کې ریکارډ ټینګونه هم د شهرت لامل کیږی ډیر خوړل، ډیر ځغستل ډیر خندل ډیر ژړل... هر شی ډیرډیر خو یو ډاکټر د فلسفي طب په کشف سره مشهور شو هغه په خپل یو نامتو کتاب د« فلسفي طب اساسات » کې لیکلی دی : انسان یو عجیب او غریب حیوان دی چې هره ناروغی د هغه په اعصابوژوره اغیزه کوی نو دا کار د هغه ځیر والی او پام لږوی او درک يې بې سمته کوی نو ځکه یو ځای يې درد کوی او هغه بل ځای ته اشاره کوي... هغه بل ځای لیکي د انسانانو ټول بد او ښه کړه په فلسفی طب درمل کیدای شی دبېلګې په توګه جنایت کارو ته که د وقایې په اساس د اسکارس درمل وکړ شی ډیره ګټه کوي همداسې رشوت خور ته د اسهال دوا ،سیاست وال ته د کوخ دوا... هغه وایي یو ناروغ د کلمو ددرده شکایت کوی نومتخصص ډاکټر هغه ته د لاندی اندوسکوپی وکړه خو ډاکټر چې به هر ځای ته اشاره وکړه چې دا ځای درد کوی ؟ ناروغ به ویل : پورته لږ پورته په اخیر کې مالومه شوه چې د هغه ستونی خوږیدی نو د هغه په اند د ناروغانو خبرو ته باید پام ونه شی ؛ باید ډاکټر تصمیم ونیسی چې اصلاً د هغه کو م ځای ځوزیږی نو په دی اساس تداوی تو پير کوی نو د نوی تیوری په اساس ډاکټر دناروغ په لیدو سره تصمیم نیسي چې د هغه کوم ځای خوزیږی او کوم ځای يې باید عملیات شی د چا چې سر درد کوی هغه د پښو دوا ؛ او د چا چې ګیډه خوزيږی هغه ته دسترګو دوا ورکول دهغه کار دی د یوجنایت کار یوه سترګه يې ورعملیات کړل د سیاست د ناروغ یوغوږ يې پرې کړ په دي ترتیب هر چا چې به د دې ډاکټر نوم واوریده دا ټوله سیاسي ناروغی به يې له وجوده ووتې
اوس هغه د زورورو میلتو په مشوره د یوکال لپاره افغانستان ته راځي
|
||||||||||||||
|
|
||||||||||||||