|
کور | تګلاره | اړیکې | محمود نظری |
||||||||||||||
|
|
|
|||||||||||||
|
محمود نظری دجال څوک دی؟ په عربي فارسي نوی ډیکشینري « منجدالطلاب» کې او په «لاروس» ډیکشینري کې د دجال د ویي(لغت) مانا داسې راغلې ده: (د طلا اوبه، لویه غټه ډله،درواغجن او د هغه غولونکي مسیح ستاینوم دی چې په اخیره زمانه کې راځي .) «مهدي پرتوى آملى» ددجال د لغت په هکله لیکي :دجال د دجل د لغت د مبالغې صیغه ده چې د خدعه ، نیرنګ، حیله او باطل مانا لري . «ډاكټر محمد خزائلى» د دجال له لغت نه ډیر ښکلی او ښه تعبیر کړی دی هغه وایي: دجال یو مرکبه کلمه ده الف او لام یې هغه دي لکه چې د دانیال او خرقیال نومونو په اخیر کې شته چې د خدای(ج) په مانا دی او لومړی جز يې چې د «دژ»، «دشمن» ا و«دشوار» جرړه لری دضد. یا دوښمن په مانا دی نو د دجال تعبیریاني د خدای(ج) ضد یا د خدای (ج)دوښمن مانا لري. ځینې مسیحي پوهان وایي دجال یو عام نوم دی دهغو ی په اند دجال او دجالان هغه کسان دي چې مسیح تکذیب وي ځینې اسلامي لیکونکي د دجال د جرړی په پام کې نیولو سره هغه یو ځانګړی تن نه ګڼي بلکه هغه د هغو کسانو لپاره نوم ګڼي چې غولونکي اوحیله کوونکي وي چې د خلکو د غولولو لپاره د هرې وسیلې نه کار اخلي. په اسلامي کتابونو کې هم د دجال د ډیروالی په هکله احادیث شته . حضرت محمد(ص) خلک له دجال څخه ویرول او ویل يې چې هغو فتنه دي . ايها الناس ما بعث الله نبيا الا و قد انذرو قومه الدجال ای خلکو! خدای(ج)هیڅ پیغامبر نه دی مبعوث کړی مګر داچې خپل کام يې د دجال د فتنې خبر کړی دی یو بل حدیث چې د صحيح ترمذي نه نقل شوی داسې دی:
انه لم يكن نبي بعد نوح الا انذر قومه الدجال و اني انذر كموه هر پیغامبر له نوح وروسته خپل کام د دجال له فتنې ویرولي دي او زه هم تاسو خبروم. ددې نه مالومیږي چې هر وخت دجال وجود درلود او هر پیغمبر خپل د وخت خلک د هغه نه ویرولي دي کنه دې مانا نه درلوده چې پخواني انبیا دی خپل خلک د ډیر لیري راتلونکي فتنې نه وویروي.
لهحضرت علي (رض) څخه روایت شوی دی: هغه وايي زه دهغه دوو دجالانو څخه چې له فاطمې نه دی تاسو خبر وم او هغه دجال چې د بصرې له دجلې څخه راځي هغه زما نه دی هغه د دجالانو پیلیزه ده.
په دی لاندی مبارک حدیث شریف کې راغلي دي چې: لا تقوم الساعه حتي يخرج ثلاثون دجالون كلهم يزعم انه رسول الله پیغامبر(ص) وویل: تر هغه قیامت نه راځي چې دیرش تنه دجالان چې د پيغامبري دعوا کوي تیر نشي. یو بل روایت وایي: قال رسول الله :لا تقوم الساعه حتي يخرج نحو من ستين كذابا كلهم يقولون اني نبي پيغامبر(ص) وویل:تر هغه نه قیامت راځی مګرچې شپیته نفره درواغجن کسان چې د نبوت ادعای کوی رانه شی بل ځای یې فرمايي دي: د تیري کوونکی دجال له راتګ څخه مخکې اوویا نور دجالان راځي. لنډه دا چې دجال د یو ځانګړې سړي نوم نه دی هر درواغ جن ، غولونکی او ګمراه ته دجال ویل شویدی. خلاصه په اخیر زمانه کې د حضرت مهدی د راتګ سره به یو ستر غولونکی او درواغجن چې تر ټولو دجالانو لوړ او مشر دی پيدا شي د هغه جنګ به د بر حقو هیوادونو سره وي دا دجال د نړۍ په پای کې راځي چې دده د راتګ پېښي په لږ وتوپیرونو سره په اسلامي ا ونورو منابعو کې راغلي دي نور بیا
|
||||||||||||||