|
دطنزتعربف
پروفیسور
لیوناردفین برګ وایي طنز داسې یوظریف او بدلونکی هنر دئ چې د هغه د تعریف په
برخه کې دوو محقیقو نظر په سلو کې سل یو نه دئ.
ګوګول وايي« طنز د نا مرئي اوښکو په منځ کې خندا ده »
ابوقاسم صادقی وايي : زما په اند طنز يانی: دټګوحاکمانو،
ظالمانو ، بلوسګروواکدارانو او غولونکو قدرتمندانو باندې نیوکه او د هغو غندنه
ده چې د اوريدونکي یا لوستونکي زړه پرې يخ او د واکمنو د غوسې او ځوريدو سبب و
ګرځي .
منوچهر آذری بيا وايي: طنز د ژوند هېنداره ده او ژوند بېله
طنزه ښکلا نه لری.
پوهاند جاويد وايي: د طنزاساس ساتیری او خندا ده خو خندا يې د
ساتیری او خوشالۍ خندا نه ده.دا خندا جدی ،ترخه او دردونکی ده.
پوهاند زيار ليکي: :طنز لومړی بې واکه موسکا او خندا راولي او
بيا وروسته وروسته هغه موسکا او خندا په خواخوږی او ژړا وربدلوی دا د طنزونو
هغه کوډګري او جادوګري ده چې نور ادبي ځېلونه يې په ټول ښکلاييږ، ننداريږ او
سندريز پرداز او راکښون سره سيالي نه شوی کولای.
ډاکټر اکرم عثمان ليکی: طنز نغوته(اشاره) او ټولنيږ ه رټنه
ده چې هدف يي سمونه ده نه د خلکو ځورونه.
طنز په لغت کې مسخره کولو ، طعنې او کترې ويلو ته هم وايي ،
په اصطلاح کې طنز هغه نثر يا شعر دئ چې پر حماقت، ضعيفو اخلاقی ، ټولنيز فساد
او تيروتونو باندې ملنډې وهي او په غير مستقيم هغه بيانوی.
ادب پوهان وايي
:طنز ليکوونکی د روح ډاکټر دئ چې دنده يې د دوه مخې، غرور او دحرصي ناروغيو
جرړي ايستل اود هغه له منځه وړل دي.
د طنز ليکوونکی قلم
د جراحی چاړه ده چې د ټولنې مردار دانې عمليات وی.
ډاکټر سامويل جانسن
انګريزي اديب وايي:
طنز هغه شعر دی
.چې حماقت او فساد باندې نیوکه کوي او هغه غندي .
درايدن انګريزي
شاعراو منتقد بيا وايي: د طنز هدف د فساد له منځه وړل دي.
طنز (ستاير) کلمه په لغوی مانا کې هغه لوښی دئ چې د ډول ډول ميوو نه ډ ک وي .
طنزليکوونکي د ټولني هغه ناتارونو، ناورينونو، بدی ورځي ،غوسې او دردونه چې د
رواني عقدو سبب ګرځي په ټوله هغه هنرمندي چې يې لری دتسلی کېدواو د احساساتو
اوراپاریدو(طغيانونه) د اراميدو سبب کيږی.
جامي په مثنوی هفت رنګ کې وايي:
جدبودپا به سفر
فرسودن
هزل يک لحظه به
راه آسودن
طنز په ځانګړو
ټولنيزو شرايطو کې هغه وخت چې بدمرغۍ،
ناورينونه ، ټګی او
برګې پر محيط غالبه شی ډير مهم رول
لوبوی چې
بلوسګران خلکو ته وښيي.
جوناتان سويفت انگريزليکوال وايې . زما په اند طنز هغه هېنداره ده چې لیدونکی
دهرچا بڼه(چيره) بېله دې چې هغه وویني هغه ليدلای شي.
|