TR _ Dowda Saarah

طنز

 محمود نظری

 ! تاوده ساړه؟

 

کله چي د  امریکا سره وسوه هغه دوکه

ځوانانو په ږیروټکه واچوله ایکه  ایکه

په وطن کې هم د ږیرو راغی دیفلاسیون

ان ځینو سپین ږیرو  وخرېیله  ږیره غلچکه

د غرب د افعی مار د نېښ له ویرې

ږیره کیدای سول سي لامل دتهلکه

که بند سي دلته لو ږیری په کومه لمکه 

بیا یې مفتی حسابولی نسی تړسکه

هغه وخت له ډاره  ډیر مخونه سوه ښوی

له هغه وروسته  ږیره سوه لکه لوبتکه

اوس کله نه وي کله اوږده سي  یو متره

ځوانانو نور بس کړی  داکارونه بې نمکه

ځینې ځوانان دومره افراط کوي دلته

هر چاته مالومیږي د اسلام سره کوي دوکه

کله لکه  چچونه سي د ځینو ځوانانو ږیرې

په رسنیو کې هغه دم جوړه کړې چوک چوکه

ځوانانو  له اسلام سره  مه کوئ شلکه

دا ببل ږیره  اسلام ته څه لري ووایه ګټه

***

ځینو انجنو مخونه داسی وي پټ کړي

چې نه مالومیږي انسان دی که شیشکه

مخ پټ  توري دستکلې او توري اینکې

په بازار کي کرار کرار  رهي وي ټکه ټکه

 دې پټو مخونو هم جوړه کړې  ډنډوره

 وايي تر دې خیمې لاندې پټیږي چورچکه

ایا داسې کړه دی   یومسلمان ته  ضرور

 چي اسلام ته د هغه ورسیږي د غم څړیکه

***

لوږیره اومخ پټول سوې دلته یوه درنامه

هر ورځ يې له رسنیو پورته کیږي  خړوسکه

دغرب  پروپاګند داچینجی کړی سمساره

په مسلمانانو يي سره تبۍ کړې ځمکه

دا کارونه پریږده  ځوانه علم زده کړه

که غواړی نه کړی  خپل دین کاوکه

 

***

ځینې انجونی اغوندی  تورې چپنې

ورسره ځان سینګار وی لکه ننځکه

د ځینو  چپنې داسې زري ګنډل سوی

ته چي وایی هغه ده دسرکس  لوڅکه

څه کارونه چي نه کیږي  د اسلام په نامه

هرچاد ځان په ګټه جوړه کړی ترې تلکه

په هر ځای کې چي اوسیږی لکه هغوسه

که غواړی چي نسي درته  ماغزه تاریکه

 افغانه ځوانه دا د نورو پېښې پریږده

مه شاربه د هغو په امر دافراط غړکه

ولي په خپل افراط مسلمانان  ځوروې

په هغو تنګه وې دا پراخه اړته  مځکه

 په  دې کړو مه  ډنګوه د  غرب نغارې

ماته کړه ځوانه  دا د خبرو ډکه  جینجړکه

لویه  ږیره  نه لري  د لوړ شخصیت مانا

ښه کړه د انسان د شخصیت ده الباشکه

د افراط په ډبره مه تیره کوه د دښمن خنجر

  په  هرکونج کې به بله کړی درته  غورځکه

چې دا کارونه کوې ولي راځي ختیځ ته

  یواسلامی هیوادو ته ولاړ سه ډنګرکه

په ډیرو پيسو او زیار راغلي یې دلته

 ولی ځان اوبل   خراب وی  په خرتیزکه

 

الباشکه ( نمونه)، تهلکه( بربادی)،تړیسکه( عذاب او اذیت)، شلخورکه (سمساره)،شلکه(ناراستی )، ،لوبتکه(دلوبو شی )، چوک چوکه(اوازه)، چورچکه ( بدماش)، خر تیزکه( خرمستی)،لوڅکه( ننځکه)، خړوسکه ( بد بوی)، شیشکه ( بلا)، غورځکه ( لمبه)،