TR_ Da Mama

طنز

محمود نظری

 

دماما غواګی

 

دې د اور بڅرکي دولت دولس نفس ویست ټس

لسه کاله یې په مه کوه مه کوه کړه  تس نس

بیله  د اتل له طوافه یې بل څه ونه کړه

ځکه د اتل بې نومه يي  ماتیدی اودس

په ډیروطوافو  یې بوټ دهوږې پوستکی سو

چې د څټمخی له قبر ه یې جوړ کړ بیت المقدس

 

میلیونو  ملیونونه یې په سوله ولګوله

ترې جوړه  یې نه کړه تر اخیره شپاړس

له دوکاندار سر ه  یې جوړکړ لین دین

ول نه پوهیدو د طالب جان په ادرس

تورکارغان  یې کړه  د سولې کوترې

هغوی چې ضد وه  د دې کلیمې داقدس

دې په نوم مسلمانانو سوله وغولوله

سولې ته يې واچوی پيچ او خوږ دنس

 

دخاکي مداري هیڅ چم پاته نسو دلته

 هره نخښه  يې عملی کړه د زوړمنهدس

په زرهاوو پښتانه  يې جنتیان کړه

چې ورنه ونه  ویني دوزخیان خوږ د نس

 جاسوس کیدل یولوی دولتي مقام سو

دولت ته پيدا کړ دې مقام لوړ تقدس

له ټانټستانو يې ناپیلیونان جوړ کړي

شودګان  يې کړل استادان د اقلیدس

زلندان یې ټوله  ددولس پر اوږو سپاره کړه

دهغو د لنګر لاندې د خوارانو دی ټس ټس

 

د داسې ګردي پښو پسې کاروان رهی دی

 لغته یې زده نه ده یوازې کارچلوي په  تس

په وطن کې  بې عدالتي بوغارې وهي

دراکولاو ولس ګونګی  کړی اوبې وس

ماران   یې د وژولو پرځای په چپنه کې ساتلی

 ولس د هغو د چیچولو اوری هر ګړی پوښس

 

 دځان په ګټه مداریانو اوبه له سترګو دي وتلي

پارلمان وخت   تیر وي د ظاهر په ټس پس

ټولو بزرګانو خپل  چنګوټیان وسلوال کړه

هغه چي پيدا سوی وه  مور زاده خڼاپس

دوطن سالم بدن يې ټپي کړ دې ټپوسانو

کندو دې شنګورو میږیانو کړ جارو او تس

 

هر یوخپل د خیټې بوغی پړسوي اوډکوي

لکه  ژوره  نه پوهیږي یو هم په نور بس

موښتي دي د وطن په رګونو دماما غواګی

منتظر یو  چي کله به  واورو  د یو یو پړقس

خدای  به دا بدماشان لکه دوړدوړکه کړی ورکه

هغه چي دوطن مستطیل غواړي کړي مسدس

 

خڼاپس( ګرینګن)،ټس پس( فضول)، تس( تش).تس (  دشا ږغ )

ټانټس( بی عقل) ، تسونس( ورک او خواره) تس نس( تیرول، زیانول) ټس ټس(ورووروژړا)