دطنز پانې ته ښه راغلاست
2-rabayeyat
نیک محمد ولاړ
رباعیات
خر کار ټوله خره معرفی کړل آسان
څو يې زین کړه د څویې کړ ایسته پالان
خپله شو چاپندازاو هغوی یرغه
په خرو کله ګټه کیږی وزلوبه اسان
***
د خپلو نه منې تل د پردو غواړې سلا
په هر سوړه ننوځي بې سته تر ملا
ځان کله پوتېږي د پردو په پرتاګه
چې راځې د بل له کوره ، نن به شي سبا
***
عام مو د نفاق په اوومه سپڼسي تړلي
حاکمان مو له جنسه دي دپړي شلیدلي
دانه د ولس خوری قوټ قوټ لري پردو ته
نه چې د ګازرو په خړپ یاست غولیدلي
***
مهاجرو ته د بې وزلۍ توره کاسه ښیې
سوټه مارو ته بیا مدینه یي فاضله ښيې
د ولس د غولولپاره د اوښ کوې نڅاه
شاباش اکټوره، چې خندا دی په ژړا ښېې
***
د خلیفه له جیبه یې بښې یې سخي
د سولې ښه انځور باسې خیالي
اولنو دی ویلی دا متل له تجربو
له خير ه مو توبه، سپيان دی که کوري
***
احمد، میرویس، اکبر او امان وه ګوربتان
ببرک، حامد اوشاه شجاع دی ټپوسان
ټپوسان ژوند کوی په پاټه شوني د مردارو
له اغیارو ساتی خپله جونګړه زمریان
***
نه پوهیږم په جنت دوزخ لرئ ایمان
هغوی جنت غواړي حورې او غلمان
په دې دنیا خو جنت نشته ټوله پوهیږی
پیسې ورکوې چې شی د غلام غلامان
***
هغوی دولت بایلود په عزت
اسامه یې ورنه کړه په غیرت
عزت او غیرت نه رانیول کیږی
هغوی نه پلوری خپل جنت
